Kommunit nalunaarsuiffiannit tigusat
Meeqqanut tapiissutini nalunaarsuutit Winformatik malillugu immikkoortukkuutaartuneersuupput. Nalunaarsuutit Kommunit akuerisaannik KIMIK A/S–imit tiguneqarput.
Nalunaarsuutit tigussaasut
Naatsorsuutini nalunaarsuutit pingaarnerit tassaapput:
· Tigusisussap inuttut normua
· Meeqqap inuttut normua
· Isertitat
· Pisup ullua (ulloq, qaammat ukiorlu)
· Ikiorsiissutillu annertussusia (kr.-inngorlugit)
Naatsorsueqqissaarnermi aaqqissuussineq
Nalunaarsuutit tunngaviusut allaffissorluni aqutsinermi nalunaaruiffinninngaanneerput, naatsorsueqqissaarnikkullu atugassatut ineriartortitaannatik, taamaattumik nalunaarsuutit tunngaviusut suliareqqillugit nalilersorlugillu suliaapput.
Nalunaarsuutinik naliliineq
Meeqqanut tapiissumik pisimasut allattorsimaffinniittut tapiiffigitereernerup aammalu tapiissutinik utertitsereernerup kingorna, aaqqiissoqareerneraniluunniit tapiissutaasimasut amerlassusaat noor’lumiippata naatsorsuutini ilaatinneqanngillat. Qulaani paasissutissanik naliliinermi eqqartukkat saqqummersitami takutippaat kommunit naatsorsuutai kommunillu pisanik naatsorsugaat annikitsumik nikinganeqartut.
Kommunit naatsorsuutaanni kisitsisitigullu paasissutissani saqqummiussani tapiissutit tiguneqartut qaammatini siuliini tapiissutaasimasut, meeqqanut tapiissuteqartoqareernerani pisut, naatsorsuutini ilaasinnaapput.